شغلك ولا مراتك؟؟؟؟؟

سئل احد ا لمتزوجين......... بالله عليك بتحب أو هاتحب مين اكتر...؟؟؟ مراتك...........ولا...........شغلك ؟
تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات
وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل :
أولا....الشغل بيصرف عليا.......بس أنا اللي بصرف عليها
ثانيا ....في الشغل ممكن تزعق براحتك و زعيقك يجيب نتيجة.
مع مراتك صعب انك تزعق براحتك ومهما زعقت مش هييجى بنتيجة.
ثالث ا....ممكن تزوغ من الشغل فى أي وقت من غير ماحد ياخد باله أو حد من الزملاء يغطيك
إ نما تزوغ من مراتك........هيهات.......أنسى يا عمرو
رابعا ....في الشغل عندك مدير ممكن ترضيه لو أشتغلت كويس ..
إنما مراتك لو عملت قرد.........
مش ممكن ترضيها !!! وإذا رضيت....... عندك حماتك عمرها ما ها ترضى أبد
خامسا .......في الشغل من حقك تاخد أجازه.......عندك عارضه..و اعتيادي .....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب.....
أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....
لك أجازه واحده فقط......و طويلــــــــــــــــــــــــــة جداً
سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة..... والكل يضرب لك تعظيم سلام .....
إنما في البيت هاتعيش زوج وتموت زوج.....
.واللقب الوحيد اللي ممكن تاخده لما تنادى عليك مراتك وتقولك....يابو العيال....أو....... يا حاج ولما تعجز.....وتسلم النمر...تقولك...........يا بركه
سابعا .......الشغل لو زهقت منه ممكن تسيبه بدون مشاكل....وبسهوله .....
أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و نفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا .
ثامنا ........في الشغل...لو سبته أو سويت معاشك....أو بلغت سن المعاش بتاخد مكافأة كبيره.... ومعاش...وحفله تكريم.....، .....
أنما مـع مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......
و تتحبس لو مادفعتش ..........
تاسعا .........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم
عا شرا ........في الشغل....متأمن عليك عشان لو حصل لك حاجه.......
وحتى لو حصل لك حاجه.....برضـه مراتك هي اللي هاتقبض التأمين
في النهاية....بتهوى مين أكتر...مراتك ولا شغلك ؟؟؟ ..

عدد الرسائل : 5 نقاط : 3 تاريخ التسجيل : 03/02/2009

لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي !!

عدد الرسائل : 3 نقاط : 3 تاريخ التسجيل : 22/12/2009

القد عتى السؤال يتوقف عتى نوعيه الزوجين ومدى التفاهم بينهم فالزوجه خير متاع الدنيا اذا كانت صالحه فهى الام والجنه مرهونه برضاها هذه السؤال يحدث نوعا من الفرقه والاختلاف وعتى كل حال الزوجه اهم لان كل الشغل بيروح لها

عدد الرسائل : 2 نقاط : 2 تاريخ التسجيل : 11/02/2010

ا
الى الاخ العزبز ومع كل تحياتى اقول لة فد يكون هذا راى بعض الازواج ولكن اذا سالتنى عن رأى اقول لك

لقد مرضا زوجتى اعواما كثيرة لم اقصر فى حقها يوما مامن طبيب الا وزرتة وتمنبت ان اجد عندة العلاج

لكنها ارادة اللة فاضت روحها الجميلة وتمنيت لو يعود بى الزمان واجدها امامى مرة اخرى اقسم لك

سيدى الفاضل ساعيش خادما تحت قدميها

اسف جدا للاذعاج

ودعواتكم لى بالصبر